काठमाडौं । विप्लव नेतृत्वको प्रतिबन्दित विद्रोही पाटी नेकपाले सरकार सकारात्मक रहे वार्ताका लागि तयार रहेको भन्दै प्रेस विज्ञिप्त जारी गरेका बेला नेकपाका नेता धर्मेन्द्र बास्तोलालाई आज पुनः पक्राउ गरिएको छ ।
न्यायाधीशद्वय मीरा खड्का र सुष्मालता माथेमाको संयुक्त इजलासले बन्दी प्रत्यक्षीकरण रिटमाथि सुनुवाइ गर्दै बास्तोलालाई थुनामा राख्न न्यायिक दृष्टिकोणबाट उचित नदेखिएको भन्दै गैरकानूनी थुनाबाट मुक्त गर्न आदेश दिएको थियो ।
रिहा भएलगत्तै बास्तोलालाई सर्वोच्चको गेटबाट प्रहरीले बलपूर्वक पक्राउ गरेको छ ।
सोही मुद्दामा फेरि पक्राउ गरिए प्रहरीलाई नै कारवाही गर्ने सर्वोच्च अदालतको आदेशविपरीत प्रहरीले सर्वोच्च अदालत परिसरबाटै धमेन्द्र बास्तोलालाई पुनः पक्राउ गरेको हो ।
यसैबीच अदालत परिसरबाटै प्रहरीको धरपकडप्रति सर्वोच्च स्रोतले असन्तुष्टि जनाएको छ । बिहानैदेखि अनुसन्धानको नाममा सादा पोसाकको प्रहरी परिचालन गर्न र शौचालयसम्म निगरानी गर्नुले सेवाग्राहीसमेत आतंकित भएको स्रोतको भनाइ छ ।
