स्वास्थ्य तथा जनसङ्ख्या मन्त्रालयले विद्यालय लगायत भीडभाड हुने क्षेत्र बन्द गर्न सिफारिस गरे पनि कार्यान्वयन भइसकेको छैन । कोरोनाको जोखिमलाई ध्यानमा राखी काठमाडौँ विश्वविद्यालयले हिजोदेखि अनलाइन माध्यमबाट पढाउन शुरू गरेको छ । १५ हजार २ सयभन्दा बढी विद्यार्थी अध्ययनरत रहेको काठमाडौं विश्वविद्यालयले स्कूल अफ साइन्स र इन्जिनियरिङ अन्तर्गतका सबै कार्यक्रमको पढाइ बैशाख मसान्तसम्म अनलाइनमार्फत् गर्ने प्रवक्ता इकुमाया पुनले जानकारी दिनुभयो । त्रिभुवन विश्वविद्यालयले भने यस विषयमा कुनै निर्णय गरिनसकेको सूचना तथा जनसम्पर्क महाशाखा प्रमुख योगेन्द्रप्रसाद दाहालले बताउनुभयो । भौतिक उपस्थितिमै विभिन्न कार्यक्रम अन्तर्गतको अन्तिम परीक्षा र पढाई पनि भइरहेको बताउँदै उहाँले पढाई र परीक्षा स्थगित गर्ने वा अनलाईनमार्फत सञ्चालन गर्ने भन्ने विषयमा छलफल नै नभएको बताउनुभयो । सुदुरपश्चिमाञ्चल विश्वविद्यालयले बैशाखको ५ गतेदेखि नयाँ शैक्षिक शत्र सुरु गर्ने तयारी गरे पनि कोरोना सङ्क्रमण बढेसँगै अन्योलता बढेको जनाएको छ । ३० हजारभन्दा बढी विद्यार्थी भर्ना लिएको विश्वविद्यालय स्वास्थ्य सुरक्षाका उपायहरु अपनाएर कक्षा सञ्चालन गर्ने योजनामा रहेको उपकुलपति डा. अम्बराज जोशीले जानकारी दिनुभयो । शिक्षा मन्त्रालयले कुनै पनि निर्देशन दिइनसकेको बताउँदे उहाँले परिस्थिति अनुसार निर्णय गरेर अघि बढ्ने बताउनुभयो । शिक्षा, विज्ञान तथा प्रविधि मन्त्रालयले पनि शैक्षिक संस्था बन्द गर्ने विषयमा निर्णय भइनसकेको जनाएको छ । सीसीएमसीको बैठकले गरेको निर्णयलाई मन्त्रालयले कार्यान्वयन गर्ने सचिव रामप्रसाद थपलियाले बताउनुभयो ।
तपाईको प्रतिक्रिया
सम्बन्धित समाचार
मारवाडी भाषामा पहिलो नेपाली राष्ट्रिय गीत
बेला बेलामा विभिन्न भाषामा नेपाली राष्ट्रिय गीत रेकर्डिङ हुने र म्युजिक भिडियो बन्ने गरेका छन् । यसै क्रममा भर्खरै मारवा...
गीतकार दावा तामाङको नयाँ म्यूजिक भिडियो सार्वजनिक
काठमाडौं । गीतकार दावा तामाङको नयाँ गीत “आउ न नजिक” को भिडियो सार्वजनिक भएको छ । रमेश बोखिम राईको स्वरमा रहेको यस गीतमा ...
अमेरिकामा भजन शिरोमणि भक्तराज आचार्य र वरिष्ठ संगीत संयोजक नोर्वु छिरिङप्रति श्रद्धाञ्जली अर्पण
न्युयोर्क । वरिष्ठ गायक तथा भजन शिरोमणी स्व. भक्तराज आचार्य र वरिष्ठ संगीत संयोजक स्व. नोर्वु छिरिङप्रति भावपूर्ण श्रद्ध...
शेर्पा संघ अमेरिकाद्वारा ल्होसारको अवसरमा शेर्पा भाषाको एप सार्वजनिक
न्युयोर्क । अमेरिका । शेर्पा संघ अमेरिकाले विगत झैं यस पटक पनि ल्होसारको विशेष शुभकामना आदान प्रदान कार्यक्रम आयोजना गरे...
मन्त्री भगवती चौधरीको उपस्थितिमा प्रवासी नेपाली मंच अमेरिकाको अन्तरक्रिया कार्यक्रम
न्युयोर्क / अमेरिका १७ मार्च २०२४ आईतबारका दिन प्रवासी नेपाली मंच, अमेरीका (ONF-USA) र न्यूयोर्क राज्य कमिटीको पहलमा एक ...
आदिवासी जनजाती महिला महासंघ अमेरिकाले अन्तर्राष्ट्रिय नारी दिवस बिभिन्न कार्यक्रम र सम्मानकासाथ सम्पन्न गर्यो
न्युयोर्क /अमेरिका आदिवासी जनजाती महिला महासंघ अमेरिका (फिवना) ले न्युयोर्कमा अन्तराष्ट्रिय महिला दिवसको अवसरमा बि...