११ जनवरी २०२१। हङकङ । क्रान्ति सुब्बा ।
हङकङ स्वास्थ बिभाग प्रमुख डाक्टर च्वाङ शुक क्वानले आज ४:३० बजेको नियमित प्रेस ब्रीफिङ मार्फत आज हङकङमा ४१ वटा कोरोना संक्रमित केस पुष्टि भएको बताएकी छिन जसभित्र ३ आयातित ३८ स्थानीय केस रहेकाछ्न। स्थानीय केस मध्ये २७ केसको सम्बन्ध पुर्व केस संग रहेको पाइयो भने ११ केसको स्रोत खुल्न नसकेको अवस्था रह्यो । हङकङमा कुल कोरोना केस ९,२८४ पुगेकोछ आज। आजका नयाँ दर्ता भएका केसमा ३ देखि ७६ वर्षका २१ जना पुरुष र २० जना महिला परेकाछ्न। आज ४० प्रारम्भिक पोजेटिभ केस देखा परेकाछ्न।
आयातित ३ केसमा अमेरिकाबाट स्वदेश फर्किएका २ जना र फिलिपिन्सबाट आएका एकजना परेकाछ्न।
चुङ क्वान ओ लाम तीन टनल कन्स्ट्रक्सन साइटमा काम गर्ने कामदारको घनिष्ठ संसर्गमा आएको एक जनालाई आज पोजिटिभ भएकोछ। सेन्ट्रल काउलुन रुट- सेन्ट्रल टनल क्लस्टरबाट एकजना कामदार र एकजना क्लोज कन्ट्याक्ट्मा रहेको मानिसमा पोजिटिभ देखिएकोछ। यो समुहबाट संक्रमण हुनेको संख्या ८ जना कामदार र एकजना क्लोज कन्ट्याक्ट्मा रहेको व्यक्ति समेत गरेर ९ पुगेकोछ।
आज थप तीन वटा बिल्डिङलाई अनिवार्य कोरोना परिक्षणमा जाने आदेश जारी गरिएकोछ। ती हुन १. किङ ताउ हाउस ,किङ लाम स्टेट, चुङ क्वान ओ २.ब्लक १२, कित यात हाउस,यात तुङ स्टेट (दोस्रो ), तुङ चुङ ३. टावर -७ , फेज – २, मेट्रो हार्बर भिउ , ताइ कोक चुइ ।
सिन तात प्लाजा,सिन्सियर बिल्डिङ, ८३ आर्गिल स्ट्रीट, मङ कोकको एउटा मोबाइल रिपेयर सेन्टरका एक जनालाई पनि कोरोना पोजिटिभ भएकोछ आज। यो प्लाजाबाट जम्मा चार जना आज संक्रमित सुचीमा परेकाछ्न।
