काठमाडौँ । लोकप्रिय गायक राजेश पायल राई र हङकङ निवासी गायिका सीता सिङ्खक को स्वरमा सजिएको ‘जेप्पा’ बोलको म्युजिक भिडियो ओ एस आर डिजिटल मार्फत सार्वजनिक भएको छ ।
गीतमा शब्द हेनसेन याक्खाको तथा सङ्गीत राजन मुकारुङको रहेको छ । विसम आचार्यले सङ्गीत संयोजन गर्नुभएको हो । प्रेमी प्रेमिका बीचको भावनात्मक प्रेम सम्बन्धलाई कथामा तयार पारिएको उक्त म्युजिक भिडियोमा यस गीतका प्रस्तोता हङकङ निवासी साहित्यकार टिबि याक्खाका साथमा अनुसा राई , हेनसेन याक्खा,जीवन याक्खाको अभिनय हेर्न सकिन्छ ।
भोगेन्द्र याम्फुले छायाङ्कन गरेको उक्त भिडियोलाई सनम याक्खाले सम्पादन गर्नुभएको हो । गीतको भिडियोमा कोशी प्रदेशका विभिन्न रमणीय स्थानमा कैद गरिएको छ । गीतको भिडियोमा सनम याक्खाको निर्देशन रहेको छ ।
गीतको पुरा भिडियो हेर्न तल क्लिक गर्नुहोस ।
