९ फेब्रुअरी २०२१ हङकङ ।क्रान्ति सुब्बा ।
हङकङ सरकारले रोग निवारण तथा नियन्त्रण (निश्चित व्यक्ति केन्द्रित अनिवार्य परिक्षण ) अध्यादेश ( क्याप्सन ५९९)प्रयोग गरि कोरोना भाइरस उच्च संक्रमण इलाका पत्ता लगाइ उक्त क्षेत्रलाई निर्दिष्ट प्रतिबन्धन स्थल तोक्ने र सिमाबन्धन- परिक्षण घोषणा गर्दै एम्बुस लकडाउनको अभ्यास प्रत्येक रात गरिरहेको छ। हिजो सरकारले दुई स्थानमा निशाकालिन एम्बुस लक डाउन जारी गर्यो ।
एउटा स्थान हो मान यीङ बिल्डिङ ,२-२४ मान यीङ स्ट्रीट , फेरि पोइन्ट जोर्डन। अनिवार्य परिक्षणको अभ्यास करिब ७ बजेतिर समाप्त भएको थियो।
अर्को स्थान हो – हाङ ओन बिल्डिङ,८८-९० फुक विङ स्ट्रीट / ४६A-46C क्वेइलिन स्ट्रीट , साम सोइ पो। जहाँ लक डाउनको घोषणा बेलुकी ८:३० बजे भएर आज बिहान ९:३० बजे समाप्त भएको थियोे ।
साम सोइ पोको सानो लक डाउन एरियाको ५९ घरमा कर्मचारीहरु पुगेका थिए ।जसमा १५ वटा घर्को ढोका खोलिएन।
करिब १४५० जनाले परिक्षणमा भाग लिएका थिए जोर्डनबाट । करिब १,००० घरको ढोकामा कर्मचारी पुगेका थिए ।२७० वटा निवासको ढोका खोलिएन।
जोर्डन र साम सोइ पो को लक डाउनमा शुन्य संक्रमण भेटिए।
साम सोइ पो प्रतिबन्धित इलाकाबाट अनिवार्य परिक्षणमा नगएका पाँच जनालाई जनही हङकङ डलर ५,००० जरिवाना गरिएको छ र परिक्षणमा जान हुकुम दिइएकोछ।