न्युयोर्क । अमेरिका।
नेपाल सरकारद्वारा ५९औं अनुसूचीमा सुचिकृत आदिवासी जनजाति समुदाय अन्तर्गत पर्ने तोक्पेगोला (ढोक्प्या) समुदायको मातृसंस्था तोक्पेगोला समाज सेवा समितीको अमेरिका स्थित प्रवास संगठन ढोक्प्या किदुक अमेरिका शाखाको तेश्रो महाधिवेसन हिजो ३ जुलाई २०२१ मा अमेरिकाको क्विन्समा सम्पन्न भएको छ ।
अधिवेसन उदघाटन र बन्द सत्र गरी दुई चरणमा सम्पन्न भएको थियो । बन्द सत्रमा प्रस्तुत सचिवको कार्य प्रगति प्रतिवेदन, कोषाध्यक्षको आर्थिक प्रतिवेदन सहित भावी कार्ययोजनालाई वन्दसत्रबाट सर्वसम्मत पारित गरिएको थियो । त्यसपछि नयाँ कार्यसमिती चयन गर्ने प्रक्रियामा कार्यक्रम प्रवेश गरेको थियो ।
यस तेश्रो अधिवेसनले गोवा ढोक्प्याको नेतृत्वमा आगामी २ वर्षको लागि ११ सदस्यीय कार्यसमिति चयन गरेको छ । नयाँ कार्यसमितिको अध्यक्ष : गोवा ढोक्प्या, उपाध्यक्ष:निमा डोमा ढोक्प्या, सचिव : ज्ञ्याल्जेन ढोक्प्या, सहसचिव : दावा फुटिक ढोक्प्या, कोषाध्यक्ष : लाक्पा ढोक्प्या, सहकोषाध्यक्ष : कासगंला ढोक्प्या र सदस्यहरु, पासागं वागंदी ढोक्प्या, छेवागं ढोक्प्या, फुपु नानी ढोक्प्या, दावा छिरीगं ढोक्प्या र छोकी ढोक्प्या रहेका छन ।
