हङकङ । क्रान्ति सुब्बा ।
हङकङ अब्जर्भेटरीले १२ अक्टोबर मंगलवार दिउँसो ५:२० बजे टाइफुन सिग्नल नंबर ८ जारी गरेको थियो । गंभीर उष्णकटिबंधीय आँधी कोम्पासु बिस्तारै ग्वांगडोंग तट तिर हानिएको थियो ।
हङकङ अब्जरभेटरीले चार दिनको अन्तरालमा दुई पटक नम्बर ८ टाइफुन जारी गरेको पहिलो चोटि हो। ती साइक्लोन अर्थात टाइफुन हुन लायनरक र कोम्पासु।
केहि दिन अघि आएको आँधी लायनरकले अक्टोबर ९ तारीख शनिबार नम्बर ८ टाइफुन जारी गर्न हङकङ बेधशालालाई बाध्य गराएको थियो ।
हङकङ मेटियोरोलोजिकल सोसाइटीका प्रबक्ता ल्यङ विङ मो भने छोटो समयको अन्तरमा साइक्लोन आउनुलाइ दुर्लभ घटना ठान्दैनन।
फिलिपिन्स वरिपरि रहेको समुद्री जलको तापक्रम यस्तो किसिमको आँधी एक पछि अर्को उठाउन सक्षम छ उनले भने।
शिक्षा ब्यूरोले सबै स्कुल कक्षाहरु निलंबित भएको घोषणा गरेको थियो । सबै स्कुलहरुले स्कूलका विद्यार्थीको सुरक्षा सुनिश्चित गर्नको लागि सबै किसिमको आकस्मिक उपायहरु लागू गर्नु पर्छ भनेको थियो । र विद्यार्थीहरुलाई घर फर्कने अनुमति दिनु अघि स्थिति सुरक्षीत रहेको सुनिश्चित गर्नु पर्ने कुरा पनि जनाएको थियो ।
६३ किलोमीटर अथवा सो भन्दा बढी प्रति घन्टा हावाको औसत बेग अपेक्षा गरिएको छ।
अक्टोबर १३ तारिख बुधबार दिउँसो २ बजे तिर कोम्पासु हङकङ देखि लगभग ४९० किलोमीटर दक्षिण-पश्चिम आइपुगेको थियो । र दक्षिण चीन सागरको उत्तरी भागमा रहेको हैनान द्वीपको आसपास क्षेत्रमा लगभग २५ किलोमीटर प्रति घन्टाको गतिमा पश्चिमतिर बढेको थियो ।
एचकेओ(hongkong observatory)ले बताए अनुसार पूर्वोत्तर मानसूनसंग यो हुरीको भेट भएपछि यसको संयुक्त प्रभाव ग्वांगडोंगको तट माथि बेजोडले परेको छ। घरीघरी तटीय इलाका भन्दा माथी र उच्च भूमिमा पनि आंधीको असर परेको छ । कोम्पासुको बाहिरी वर्षापट्टी ( rainband) ले आज राती हङकङमा काफी वर्षा र हुन्डरी ल्याउने छ भनिएको थियो । स्थानीय हावाको चाप पनि भयंकर बलियो हुने अनुमान गरिएको थियो ।
कोम्पासुले ल्याएको तूफान र भारी वर्षाले हङकङका होचो इलाकामा भेल आउन सक्दछ। तेजिलो हावा र बाढीबाट बच्न सबैले सावधानी अपनाउनु पर्ने स्थिति थियो । यसका अलावा, समुद्री छालहरु उच्छृङ्खल हुने भएकोले समुद्र किनार तिर जाने तथा जलकृडा गर्नु खतरा थियो ।
टाइफुन कोम्पासु हङकङबाट टाढा भएपछि हङकङ बेधशालाले दिउसो ४.४० बजे सिग्नल नम्बर ८ क्यान्सल गरि नम्बर ३ जारी गरेको थियो ।
आज १३ अक्टोबर दिउँसो ४:४५ मा हङकङको हस्पिटल अथोरिटिले दिएको रिपोर्ट अनुसार जम्मा २१ जना टाइफुन बाट घायल नागरिक १० पुरुष ११ महिला उपचारको लागि आकस्मिक कक्षमा दाखिल भएका थिए । जस मध्ये एक पुरुषको ज्यान गएको थियो ।
हङकङ गृह मन्त्रालयले टाइफुनका कारण आपतमा परेका नागरिकको लागि शरण दिन २४ वटा अस्थायी शरण गृह स्थापना गरेको थियो जहाँ २५५ जनाले शरण लिएका थिए ।
१३ अक्टोबर दिउँसो ४ बजे सम्ममा सरकारी कल सेन्टर १८२३ ले ७२ वटा रुख लडेको रिपोर्ट रिसिभ गरेको थियो ।
ढल निकास बिभागले १० वटा डुवान केस भएको सुनिस्चित गरेको थियो । पैरो गएको रिपोर्ट भने एउटा पनि आएको थिएन ।
