सुजित कुमार खड्का
अमेरिका । नेपाली समुदायको प्रख्यात एवम् प्रतिष्ठित संस्था एएनए ट्रस्टी बोर्डको हालै सम्पन्न बैठकले समाजसेवी एवम् सफल व्यवसायी यमुना भट्टराईलाई एएनए (ट्रस्टी) बोर्ड सदस्यमा मनोनीत गरिएको छ । नेपाली मुलकी भट्टराई पच्चीस वर्षदेखी अमेरिकामा रहेर विभिन्न व्यापार व्यवसायका साथै सामाजिक कार्यमा अनबरत रहँदै आएकी छन् ।
अमेरिकामा रहेका दर्जन भन्दा बढी नेपाली संघ सस्थामा आफ्नो सक्रिय भूमिका निभाउँदै आएकी भट्टराईलगायत विभिन्न पेसा र क्षेत्रका अन्य विशिष्ट व्यक्तिहरुलाई यही फेब्रुअरी २६, २०२२ मा ट्रस्टी अध्यक्ष डा. शम्भु ढुंगानाको अध्यक्षतामा बसेको संस्थाको बैठकले ट्रस्टी पदाधिकारी पदमा मनोनीत गरेको हो ।
मनोनीत हुनेमा क्यानडाबाट डा. द्रोण रसाली, अमेरिकाबाट क्रमस: डा. अम्बिकाप्रसाद अधिकारी एरिजोना, यमुना भट्टराई टेक्सास, प्रो. योगेन्द्र जोन्छे, न्यूयोर्क र केन्टकीबाट राजेन्द्र खतिवडा रहेका छन् ।
एएनएका पूर्व अध्यक्ष एवम् वर्तमान ट्रस्टी खगेन्द्र अधिकारीका अनुसार सबै ब्यक्तित्वहरूलाई एक कार्यकालको लागि सर्वसम्मतिबाट मनोनयन गरिएको हो ।