काठमाण्डौं ।
निर्देशक भुपेन्द्र गुरुङको निर्देशनमा बनेको नेपाली कथानक चलचित्र “कप्टी” को पहिलो स्पेसल शो बेलायतमा हुने बुधवार निर्माण टिमले एक पोस्टर सार्वजनिक गर्दै जानकारी दिएको छ ।
नेपाली कथानक चलचित्र “कप्टी” लाई एक कार्यक्रमका विच अगामी १९ जुन २०२२, सामुएल कोडी स्पोर्टस कलेज ब्यालान्टाइन रोड फर्नबरो जि यु फोटिन एट एस एन मा प्रदर्शन हुने घोषणा गरेको हो । चलचित्रमा चर्चित कलाकारहरु शेर बहादुर गुरुङ उर्मिला गुरुङ ,उमेश गुरुङ ,स्मृति बलामी ,गिरी प्रसाद पुन ( लाहुरे दाई ) केशब राई ,सोनी गुरुङ लगायत स्थानिया कलाकारहरुको बेजोड अभिनय रहेको छ ।
सोलुखुम्बुको जुबु,मैदेल गाउँ, गोकियो रि ,कालिन्चोक ,लम्जुङ्गको डाँडाथोक गाउँ र इलाममा छायांकन गरिएको आफ्नै मौलिकपन बोकेको नेपाली कथानक चलचित्र “कप्टी”मा मदन काश्यप घिमिरेको छायांकन, बन्दे प्रसादको सम्पादन, समिर मियाको कलर र भी एफ एक्स, आश्रम गुरुङको शब्द संगीत गायक – गायिका आर के नेपाली, धर्मेन्द्र सेवन, मेलिना राईको स्वर रहेको फिल्मको निर्माता मोहन कुमार खत्री, प्रेम बहादुर गुरुङ, मिनु लामा र अमेरिका निवासी मनिता गुरुङ र सह निर्माता नातीकाजी गुरुङ रहेको छ ।
भ्याली फिल्म एकेडमी प्रा लि को ब्यानरमा बनेको नेपाली फिल्म कप्टीको स्पेसल शो निर्देशकको गाउँले परिवार डाँडाथोक युरी परिवारले आयोजना गरेको हो भने तमु छोज धीं युके का महासचिब इलम पोखरी समाजका अध्यक्ष परशु गुरुङ तमु छोज धीं युकेका सल्लाहकार लमजुंग समाज युकेका कोषाध्यक्ष पूर्ण राज गुरुङ र युकेमा धेरै कार्यक्रमहरुमा कलाकारका संयोजन गर्नु हुने कलाकार तथा समाजसेवी कुमार गुरुङ ज्युको सहयोग र सम्योजकत्वमा प्रदर्शन हुन लागेको छ ।
गाउँले परिवेश रिति थिति गाउँ ठाउँ कै रहनसहन संस्कृति उजागार, पुरानो खेल ठेलो, प्रौढ शिक्षा कुरा गरिएको चलचित्रमा संसार कप्टीहरुको हातमा जान्छ तर छल कपट धेरै बेर टिक्दैन भन्ने संदेश सहित यस चलचित्रमा कप्टीको हो भन्ने बुझ्न चलचित्र हेर्नु पर्ने निर्माता मोहन कुमार खत्रीले बताए। चलचित्र प्रदर्शनको लागि युके पछी युरोप, जापान, अस्ट्रेलिया, कतार, क्यानाडा, अमेरिकामा कुरा आगाडी बढेको र चाडै प्रदर्शनको मिति घोषणा हुने निर्माता मोहन कुमार खत्रीले बताए।
मौलिक चलचित्रहरुलाई साथ सहयोग र प्रोत्साहनको निमित्त चलचित्र कप्टी हेर्न आइदिनु हुन युकेबासी सम्पूर्ण नेपाली दाजु भाई दिदि बहिनिहरुलाई निर्देशक गुरुङले अनुरोध गरेका छन।
युकेका अन्य ठाउंहरुमा हुने शो ,टिकेट लगायत थप जानकारीको लागी परशु गुरुङ फोन नम्बर -०७४७४११३३३६ ,पूर्ण राज गुरुङ फोन नम्बर -०७८३०५३२६६९, कुमार गुरुङ फोन नम्बर – ०७५३३१५५७६३ मा सम्पर्क गर्न सक्नुहुने छ।
देश विदेशको स्पेसल र च्यारिटी शो गरेपछी मात्र नेपालको हलमा प्रदर्शन मिति घोषणा हुने पनि निर्देशक गुरुङले बताए । युके शो भब्य सफलताको निमित्त सम्पूर्ण पत्रकार मित्रहरु ,समाजसेबी लगायत युके बासी नेपाली दाजुभाई दिदि बहिनीहरु र युकेमा रहेको सम्पूर्ण संघ संस्थाहरु लगायत सबैलाई चुलो निमन्त्रणा गरिएको आयोजक डाँडाथोक युरी परिवारले जानकारी गराएको छ ।
