काठमाडौं।
निर्देशक तथा मोडल विरेन्द्र नौभाग्य र मौसमी गुरुङ्गको फिचरिङ्गमा ‘मायाको कम्पनी ’गीतको म्युजिक भिडियो सार्वजनिक भएको छ । सार्वजनिक गीतमा मायालु जोडि बीचको प्रेम प्रसङ्गलाई गीतमा समावेश गरिएको छ । ‘मायाको कम्पनी ’ गीतमा मित्र केसी र गायिका आकाङक्षा जोशीले स्वर भरेका छन । गीतमा मित्र केसीको शब्द तथा संगीत रहेको छ ।
डान्सिङ बिट मा रहेको म्यूजिक भिडियोको छायांकन कोरियाको विभिन्न रमणीय ठाउँमा गरिएको छ । सम्भवत डान्सिङ बिटको गीत कोरियामै पहिलो पल्ट छायांकन भएको म्युजिक भिडियोेका निर्देशक / कोरियोग्राफर साथै मोडल रहेका बिरेन्द्र कुमार नौभाग्यले बताएका छन । ‘स्याङजामा जन्मिएर हाल पोखरामा बस्दै आएका छन ‘११ बर्ष अघि नै कोरिया प्रबेश गरेका उनी कोरिया आउनु अगावै नेपालमा थुप्रै म्युजिक भिडियोहरुमा काम गरिसकेका थिए नृत्य र फेसनलाई बढि महत्त्वपूर्ण ठान्ने उनी फेसनको कुरामा अत्ति नै शौखिन रहेका छन । मिलनसार परोपकारी भावना बोकेका उनी स्याङजा परिवार दक्षिण कोरिया थेगु शाखाका संस्थापक अध्यक्ष समेत रहेका थिए । कोरियामा हरेक क्षेत्रमा आफुलाई ब्यस्त राख्ने उनी कोरियाको व्यस्त समयका बाबजुत नेपाली गीत संगीत क्षेत्रलाई पनि समय दिने मैं नौभाग्य कोरिया कै ब्यस्त मोडलको रुपमा चिनिन्छन।
यस म्युजिक भिडियोलाई देवेन्द्र पुनले छायाँकन साथै सम्पादन गरेका हुन भने ईजोक मगरले यस गीतलाई रङगाउने काम गरेका छन। प्रमुख भूमिका रहेको मौसमी गुरुङ पहिलो पल्ट यस गीतबाट आफुलाई मोडलिङ यात्रामा पाईला चालेकी छन भने भिडियोमा प्रिति लामा , निरज श्रेष्ठ, रामु मगर ,सोनु तामाङ, गोकुल हाङ राई , साजन दियालीको अभिनय पनि देख्न सकिन्छ । यो गीत अमृत च्यानलबाट बजारमा आएको छ। यस लगतै थुप्रै गीतहरु आउने क्रममा रहेको रहेका छन भने नौभाग्य कै मोडल निर्देशनमा असिप लिम्बु र दिनेश गुरुङको र्याप गीत सुटिङ सकिसकेकोले अर्को हप्ता बजारमा ल्याउने कुरा पनि निर्देशक तथा मोडल बीरेन्द्र नौभाग्यले हामीलाई जानकारी दिनु भएको छ।
‘मायाको कम्पनी ’ गीतको पुरा भिडियो हेर्न तल क्लिक गर्नुहोस।
