विराटनगर । भाष्कर आई केयर एण्ड ग्लोमा सेन्टर प्राली र नेपाल स्काउट जेम्स स्काउट ग्रुप को आयोजनामा विराटनगर १ स्थित जेम्स इन्टरनेशनल सेकेण्डरी बोर्डिङ स्कुलको आयोजनामा आज १ दिने निशुल्क आँखा शिविरको आयोजना गरिएको छ । उक्त शिविरमा ४५० जनाको चेक जाँच गरिएको थियो ।
भाष्कर आई केयर एण्ड ग्लोमाका नेत्र विशेषज्ञ डा. भाष्कर झाको नेतृत्वमा रहेको चिकित्सक टोलीमा जेम्स इन्टरनेशनल सेकेण्डरी बोर्डिङ स्कुलमा रहेका विद्यार्थी र उनीहरुका अभिभावक र शिक्षक , शिक्षिको आखाँ परिक्षण गरेको थियो । शिविरमा विद्यालय , विद्यार्थी ,स्थानिय अभिभावक ,स्काउटका , रेभर -रेन्जर तथा स्काउट मास्टरहरुको परिक्षण गरिएको कार्यक्रम संयोजक तथा स्काउट मास्टर गोविन्द कुमारले जानकारि दिनुभयो । आँखा मानिसको महत्वपुर्ण अंग भएको कारणले पनि आफनो विद्यालयमा अध्ययनरत वालवालिका तथा अभिभावकको आँखा शिविर मार्फत परिक्षण गरिएको विद्यालयका प्रधानाध्यापक पंकज खड्काले बताए । आगामी दिनमा पनि निरन्तर रुपमा बालवालिकाको निशुल्क आखाँ परिक्षण गरिने भाष्कर आई केयर एण्ड ग्लोमाका नेत्र विशेषज्ञ डा. भाष्कर झाले बताउनुभयो ।
