झापा । बैशाख १३ गते कञ्चनजंघा अंपाग कल्याण संघ भद्रपुर-१ को ११ औँ साधरणसभा तथा ५ औँ अधिवेशन श्री कृष्ण प्रसाद गेलालको अध्यक्षतामा भद्रपुर -२ को वार्ड कार्यलयको सभा हलमा सपन्न भएको छ।
प्रमुख अतिथि भद्रपुर वार्ड नम्बर -२ का अध्यक्ष भिम बहादुर सुब्बा , बिशिष्ठ अतिथि भद्रपुर वार्ड नम्बर ३ का अध्यक्ष कमला थुलुङ रहेका थिए भने अतिथिहरुमा वार्ड नम्बर -१ का सदस्यहरु राम प्रसाद अधिकारी , देवी प्रसाद गुरुङ ,कार्यपालिका सदस्य ममता सुब्बा ,पृथ्वीनगर स्वास्थ चौकी प्रमुख नेत्र प्रसाद दाहाल,मेची बहिरा संघका अध्यक्ष गणेश पौडेल, अपाङ्ग संघका आजिवन सदस्य शिव प्रसाद राजभण्डारी रहेका थिए ।
अपांग संघका संस्थापक अध्यक्ष नर बहादुर भुजेल समेतको उपस्थिति रहेकोे उक्त कार्यक्रममा स्वागत मन्तव्य दोर्जे लामाको रहेको थियो भने सञ्चालन नगेन्द्र प्रधानले गरेका थिए ।
स्वास्थ चौकी पृथ्वीनगरमा संचालन भैरहेको हेरचाहको लागि उत्प्रेरणा कार्यक्रमको तर्फबाट अंपागता भएकाहरूलाई शैक्षिक सामग्री , सहायक उपकरण ,निशुल्क स्वास्थ्य बिमा बितरण आदि प्रदान गरिएको थियो ।
अधिवेशनले अध्यक्ष पदमा कृष्णप्रसाद गेलाल, उपाध्यक्षमा सुरेश कुर्मी , सचिवमा दोर्जे लामा, कोषाध्यक्षमा हस्त माया सुब्बा र सदस्यहरुमा लक्ष्मी श्रेष्ठ , जित ब. राई , सीता तामाङ , पारुहाङ राईलाई चयन गरेको थियो । ११ सदस्यको कार्य समितिमा बाकी रहेको पदलाई पछि परिपुर्ति गर्ने कुरा सचिव दोर्जे लामाले बताए।
