न्युयोर्क – महिलाहरुको चाड तिजलाई लक्षित गरेर अमेरिकाको न्युयोर्कबाट तीज  गीत “गुन्जियो तीजको भाका” बोलको गीतको म्युजिक भिडियो सार्वजनिक भएको छ । न्युयोर्क सिटिको विभिन्न ठाउँमा छायांकन  गरिएको उक्त भिडियोलाई ममता इन्टरटेन्टमेन्टबाट सार्वजनिक गरिएको हो ।
माया गुरुङको डेब्यु स्वर र अभिनय रहेको उक्त गितका रचनाकार ममता राई “यात्री” हुन भने संगीत  दिप घतानीको रहेको छ । कोरियोग्राफरको रूपमा यशोदा राई रहेको यो गीतको म्युजिक भिडियोमा गायिका माया गुरुङ, रचनाकार ममता राई “यात्री” कमला राई, जानुका कंडेल, निरु राई र प्रबिन गुरुङको अभिनय देख्न सकिन्छ ।
तीजको गुन्जियो भाका गितलाई ओम कर्माचार्यले खिचेका हुन भने सम्पादन पनि कर्माचार्यकै रहेको छ । यो गीतलाई निर्देशन रमेश सुनुवारले गरेका हुन ।
न्युयोर्कको “रेडपान्डामा” एक कार्यक्रम गरेर सार्वजनिक गरिएको गीतको सार्वजनिक कार्यक्रममा अमेरिकाकै न्युयोर्कमा रहेर समाजसेवा गर्दै आउनु भएका समाजिक अभियन्ता केशबराम राईले नेपाली चेलीबेटीहरुले यस्तो व्यस्तताको बीच पनि नेपाली गित संगीतको बजारमा एउटा इटा थप्ने कार्य गरेकोमा सबैलाई हार्दिक बधाई दिए ।

गीतको लिङ्क

तपाईको प्रतिक्रिया