काठमाडौँ। नेपाली कलाकार तथा मार्शल आर्टका खेलाडी सन्नी बि.केसीको हलिउड मुभी फाइट अफ फ्युरी-२ ( ‘Fight of Fury 2’ )को फर्स्ट लुक पोस्टर सार्वजनिक गरिएको छ। सन्नी बि. केसीको कथा निर्देशन तथा प्रमुख भूमिका रहेको फिल्ममा हलिउडका चर्चित कलाकारहरुले समेत काम गरेका छन। चर्चित अभिनेता ब्रुस लीको फिल्म इन्टर द ड्रयागन (‘Enter the Dragon’) मा काम गरेका कलाकार बब वालको समेत अभिनय रहेको फाईट अफ फ्युरी ( ‘Fight of Fury 2’) मा लियो फ़ोङ्ग,जोस्फ़ माइकल,एम एम ए फाइटर लगायत हलिउडका कलाकारको अभिनय रहेको छ। अंग्रेजी भाषामा बनेको फिल्म नेपालीमा डब गरेर नेपालमा समेत प्रदर्शन गरिने छ।
एक्सन जनराको मुभि ‘Fight of Fury 2’ मा ह्युमन ट्राफिकिंगको कथालाई उठाउन खोजिएको कलाकार तथा निर्देशक केसीले बताए। बलिउडका चर्चित कलाकारहरु जस्तै गोबिन्दा,मिथुनका फिल्महरुमा काम गरिसकेका सन्नी बि.केसीले केहि बर्ष अघि नेपाली चलचित्र ‘गोर्खा रक्षक’मा काम गरेका थिए। हिन्दि फिल्म जाहवाज,गैरकानुनी,प्यार कर के देखो,हत्या,दुश्मन लगायतका चलचित्रमा आफ्नो अभिनय कौशल देखाई सकेका केसीको हलिउड फिल्म ‘Fight of Fury’ प्रदर्शन भई सकेको छ।
‘Fight of Fury 2’ लाई हलिउडका सिनेमा घर तथा ओटीटी प्लेटफर्म नेट फ्लिक्स,एमाजोन प्राइम संगै नेपाली भाषामा नेपालका सिनेमा घरहरुमा पनि प्रदर्शन गरिने केसीले बताए। फिल्ममा समाबेश गीत तथा ट्रेलर आउने साता सार्वजनिक गरिने निर्माण टिमले जानकारी दिएको छ ।
