काठमाडौं । मानव अधिकारका लागि महिला एकल महिला समूह (डब्लूएचआर) को अध्यक्षमा कविता पाँणे निर्वाचित निर्वाचित हुनुभएको छ । लामो समयदेखि एकल महिलाको हक अधिकारका लागि क्रियाशील उहाँ अधिवक्ता हुनुहुन्छ ।
डब्लूएचआरको शुक्रबारदेखी शुरु भएको ५ औं महाधिवेशनको दोस्रो दिन नयाँ नेतृत्व चयनका लागि आज भएको मतदानबाट अध्यक्षमा पाँणे निर्वाचित हुनुभएको हो । उहाँ काठमाडौं निवासी हुनुहुन्छ ।
अध्यक्षका लागि बाँकेकी शोभा गौतम र पाँणेबीच प्रतिस्पर्धा भएको थियो ।
यस्तै उपाध्यक्षमा बिमला पराजुली र रेखा अधिकारीबीच भएको प्रतिस्पर्धामा बिमला पराजुली निर्वाचित हुनुभएको छ ।
महासचिवका लागि प्रतिभा बिष्ट र बिष्णुमाया पाण्डेबीच भएको प्रतिस्पर्धामा बिष्णुमाया पाण्डे निर्वाचित हुनुभएको छ ।
सचिवमा एकमाया बिक र मायादेवी शर्माबीच भएको प्रतिस्पर्धामा एकमाया बिक र कोषाध्यक्षमा सृजना श्रेष्ठ निर्वाचित हुनुभएको छ ।
यस्तै सदस्यमा शान्ति महर्जन, सबिता महर्जन, भगवती हमाल,शान्ति पासवान र मिना अधिकारी निर्वाचित भएका छन ।